Fréttir
Innleiðing lýðheilsumats í íslenska löggjöf.
Jóhann Friðrik Friðriksson, þingmaður Framsóknarflokksins, hefur lagt fram á Alþingi tillögu til þingsályktunar um um innleiðingu lýðheilsumats í íslenska löggjöf. Jóhann Friðrik hefur áður lagt fram hliðstæðar tillögur í þinginu, en þær ekki hlotið brautargengi. Er það miður, því hér er á ferðinni afar brýnt verkfæri stjórnsýslunnar til þess að ,,… meta bein og óbein áhrif stjórnsýsluákvarðana og lagasetningar á lýðheilsu“, eins og segir í tillögunni. Í henni segir [...]
Samræmast fjárfestingar í áfengisiðnaðinum starfs- og siðareglum, stefnum og markmiðum lífeyrissjóða?
Að þessu spyr Björn Sævar Einarsson, formaður IOGT á Íslandi, í áhugaverðri grein á visir.is 20. júní síðastliðinn. Hann segir þar meðal annars: Að fjárfesta í áfengisiðnaðinum vinnur gegn markmiðum lífeyrissjóðanna, því áfengisneysla veldur sjúkdómum og elliglöpum þannig að lífeyrisþegar njóta skertra lífsgæða á eftirlaunaárunum. Áfengisneysla veldur einnig snemmbærum dauða, þannig að lífeyrisþegar njóta færri eftirlaunaára, eða sumir jafnvel deyja áður en þeir komast á [...]
Krabbameinsfélagið skorar á stjórnvöld að taka skýra afstöðu með lýðheilsu og fólkinu í landinu, virða gildandi lög og reglur og auðvelda ekki aðgengi að áfengi, tóbaks- og nikótínvörum.
Í ályktun aðalfundar Krabbameinsfélagsins sem haldinn var 25. maí síðastliðinn er meðal annars heilbrigðisráðherra hvattur til þess, í samstarfi við önnur stjórnvöld, að setja forvarnir í forgang, með virkum stjórnvaldsaðgerðum til að efla lýðheilsu. Margir erlendis horfi til Íslands varðandi árangur í forvarnarmálum, tóbaksvörnum og áfengisneyslu ungmenna sérstaklega. Standa þurfi vörð um þennan árangur og gera enn betur. Aðalfundurinn skorar á stjórnvöld að taka skýra [...]
Heilbrigðisráðherra stendur eindregið með lýðheilsusjónarmiðum varðandi sölu og dreifingu á áfengi.
Í gær, 29. maí 2024, áttu fulltrúar Breiðfylkingar forvarnasamtaka fund með Willum Þór Þórsson heilbrigðisráðherra um ólöglega netsölu áfengis. Á fundinum lýstu samtökin áhyggjum sínum af því að ekki skuli vera farið að landslögum hvað varðar netsölu með áfengi á Íslandi sem felur í sér að áfengi er selt og afhent til neytenda á nokkrum mínútum af lager sem er innanlands og er því smásala [...]
Ólíðandi að áfengisnetverslanir fái að starfa óáreittar þar sem starfsemi þeirra brjóti í bága við lög.
Þórunn Sveinbjarnardóttir þingmaður og formaður stjórnskipunar- og eftirlitsnefndar alþingis ræddi ólöglega netsölu áfengis á alþingi 17. maí síðastliðinn. Sagði hún meðal annars ólíðandi að slíkar verslanir fái að starfa óáreittar þar sem starfsemi þeirra brjóti í bága við lög og tími sé til kominn að alþingi og framkvæmdavaldið geri eitthvað í málinu. Þórunn furðar sig á því að ólögleg netsala áfengis hafi fengið að viðgangast [...]
Skráðu þig á póstlista og fáðu nýjustu fréttir frá Fræðslu og forvörnum.