Einelti

Eineltisáætlun: Hvað svo?

Á fjölmennum fyrsta morgunverðarfundi Náum áttum hópsins á þessu hausti, sem haldinn var 15. september á Grand Hotel, var rætt um einelti. Yfirskrift fundarins var: Eineltisáætlanir, hvað svo? Guðjón Ólafsson fræðslustjóri og Þorlákur Helgi Helgason verkefnisstjóri Olweusarverkefnisins á Íslandi höfðu framsögu og svöruðu fyrirspurnum.

Báðir fyrirlesararnir lögðu áherslu á að efla þyrfti fræðslu í skólasamfélaginu um eineltisáætlanir og að þær þyrftu að vera meira en orð á blaði. Eineltisáætlanir eigi að vera í öllum grunnskólum og sýnilegar í skólanámskrám. Í þeim skólum þar sem unnið er eftir viðurkenndum aðferðum hefur náðst umtalsverður árangur. Í umræðunni kom fram vanmáttur skóla til að taka á erfiðum eineltismálum og vanmáttur foreldra að taka á einelti sem fram fer í skólum. Framsögumennirnir voru sammála um að efla þyrfti lífsleiknikennslu og þjálfa börn í að finna samkennd með öðrum.

Deila þessari frétt

Nýlegar fréttir

Safn

Flokkar

Skráðu þig á póstlista og fáðu nýjustu fréttir frá Fræðslu og forvörnum.