Fulltrúar Breiðfylkingar forvarnasamtaka áttu þann 28. ágúst síðastliðinn, góðan fund með starfsfólki Embættis landlæknis. Fundurinn snerist um samspil lýðheilsu og stóraukinnar netsölu áfengis sem átt hefur sér stað hérlendis í meira en hálfan áratug. Lögreglan hefur nú ákært eina slíka sölu. Netsala þessi hefur farið fram í andstöðu við lýðheilsustjórnvalda til ársins 2030 sem samþykkt var samhljóða á Alþingi.
Á fundinum var rætt um þann mikla samfélagskostnað sem óhófleg áfengisneysla veldur. Í þessu samhengi var vakin athygli á sparnaðarráði heilbrigðisstétta og forvarnarsamtaka sem sent var stjórnvöldum fyrr á árinu þar sem segir að “Það felst því mikill sparnaður í því að hvika í engu frá samþykktri lýðheilsustefnu til ársins 2030 og markmiðum gildandi laga um einkasölu ÁTVR á áfengi. Sá sparnaður hleypur á milljörðum króna á ári.”
Þá var rætt um hvernig unglingadrykkja virðist vera orðin norm eins og samfélagslögreglan, forvarnarsamtök og fleiri hafa bent á á sama tíma og m.a. netsalar hafa auglýst upp áfengi og þjónustu sína m.a. með því að höfða til ungmenna og barna á samfélagsmiðlum.
Fundinn sátu af hálfu Breiðfylkingar forvarnasamtaka: Árni Einarsson, framkvæmdastjóri Fræðslu og forvarna – félags áhugafólks um forvarnir og heilsueflingu og Siv Friðleifsdóttir; Árni Guðmundsson, formaður Samtakanna Foreldrasamtaka gegn áfengisauglýsingum; Björn Sævar Einarsson Formaður IOGT á Íslandi og Aðalsteinn Gunnarsson framkvæmdastjóri IOGT á Íslandi og Hildur Helga Gísladóttir, fulltrúi SAFF-Samstarfs félagasamtaka í forvörnum.
Á meðfylgjandi mynd eru frá vinstri:
Siv Friðleifsdóttir, Rafn Jónsson, Dóra Guðrún Guðmundsdóttir, Kjartan Hreinn Njálsson, María Heimisdóttir, Aðalsteinn Gunnarsson, Björn Sævar Einarsson, Árni Guðmundsson., Árni Einarsson og Hildur Helga Gísladóttir.
