Admissions 2018-12-10T18:48:58+00:00

Gerast félagi

Vertu með okkur í forvörnum!

Með því að gerast félagi í FRÆ, félagi áhugafólks um forvarnir og heilsueflingu, leggur þú forvörnum lið og stuðlar að velferð barna og ungmenna.
Samkvæmt 3. grein félagslaga FRÆ geta allir þeir sem hafa áhuga á eflingu forvarna á Íslandi og styðja markmið félagsins, eins og þau eru skilgreind í 2. grein, orðið félagsmenn. Félagsaðild verður fyrst gild þegar árgjald viðkomandi árs hefur verið greitt.

Sá sem óskar inngöngu í félagið skal sækja um það formlega til stjórnar á rafrænu skráningarformi eða með öðrum rekjanlegum hætti sem stjórn viðurkennir og auglýsir á hverjum tíma.

Í 4. grein segir að aðalfundur ákveði árgjald félagsmanna. Árgjaldi skal varið til eflingar fræðslu- og upplýsingamiðstöðvar í forvörnum eða annarra verkefna sem aðalfundur ákveður. Félagsmaður sem ekki hefur greitt árgjald undangengins árs fyrir aðalfund telst genginn úr félaginu. Árgjald fyrir árið 2018 er 2.500 krónur.

Í lögum félagsins er kveðið á um að réttur til setu á aðalfundi sé bundinn við þá sem voru skráðir félagar 31. desember árið á undan og hafa greitt félagsgjald þess árs við upphaf aðalfundar. Stjórn félagsins heldur skrá yfir félagsmenn og staðfestir á fyrsta stjórnarfundi hvers árs uppfærða félagaskrá sem gefur rétt til setu á aðalfundi. Í félagaskrá skal skrá fullt nafn, heimilisfang og kennitölu félagsmanna, einnig netfang sé það til staðar.

Tekið er á móti umsóknum um félagsaðild í gegnum skráningargáttina hér að neðan. Umsækjandi telst fyrst félagi þegar hann hefur fengið staðfestingu félagsins um aðild með tölvupósti eða öðrum sannanlegum hætti og greitt félagsgjald yfirstandandi árs.

Sendu okkur fyrirspurn

Skráningarform:

Fræðsla og forvarnir

Sigtúni 42, 105 Rekjavík

Phone: +354 511 1588