Ungmenni drekka meira í löndum með mikla áfengisneyslu

Ungmenni

Ungmenni drekka meira í löndum með mikla áfengisneyslu

Stór alþjóðleg rannsókn sýnir að það eru bein tengsl á milli drykkjuvenja ungmenna og þess hversu mikils áfengis fullorðnir í viðkomandi landi neytir, þ.e. hve heildarneysla áfengis (meðaltal) er. Í löndum þar sem fullorðnir drekka mikið – eins og í Danmörku og Litháen – hafa einnig hlutfallslega fleiri 15 ára ungmenni drukkið sig ölvuð gagnstætt því sem er í löndum þar sem áfengisneysla er hvað minnst. Þar hefur aðeins lítill hluti ungmennanna orðið ölvaður. Rannsóknin er byggð á gögnum frá árinu 2010 þar sem 140.000 ungmenni í 37 löndum svöruðu spurningum um drykkjuvenja sínar. Þetta er í fyrsta sinn sem kannað er í stórri rannsókn hvort tengsl eru á milli heildarneyslu áfengis landa og áfengisneyslu ungmenna.

Í Danmörku segjast 68% af 15 ára unglingum hafa drukkið sig ölvuð. Aðeins Litháen skákar Danmörku að þessu leyti, en þar er hlutfallið 74%. Sama ár mældist heildarneysla áfengis í Danmörku 13 lítrar af hreinum vínanda á hvern íbúa 15 ára og eldri. Í Litháen var neyslan 15 lítrar.

Þessu er svo alveg öfugt farið í löndum eins og Íslandi og Ísrael þar sem heildarneysla áfengis er mun minni. Þar hefur mun lægra hlutfall 15 ára ungmenna drukkið sig ölvuð.

Í töflunni hér á eftir er ölvunardrykkja 15 ára ungmenna sýnd í samanburði við heildarneyslu áfengis í nokkrum þeirra landa sem tóku þátt í rannsókninni:

Land Hlutfall 15 ára ungmenna sem hafa drukkið sig ölvuð (%) Árleg heildar áfengisneysla fullorðinna í lítrum (meðaltal)
Litháen 74 15
Danmörk 68 13
England 49 13
Þýskaland 45 13
Noregur 38 7,8
Svíþjóð 37 10
Frakkland 36 14
USA 28 9,4
Ísland 27 6,3
Ísrael 25 2,9

Tengsl heildarneyslu og ölvunardrykkju ungmenna eiga bæði við um drengi og stúlkur, en í mismiklum mæli. Í töflunni hér að neðan kemur fram að drengir í löndum með háa heildarneyslu eru 3,5 sinnum líklegri til þess að hafa drukkið sig ölvaða en drengir í löndum þar sem heildarneysla er lág.

Stúlkur í löndum með mikla heildarneyslu eru 3,3 sinnum líklegri til þess að hafa orðið ölvaðar samanborið við stúlkur í löndum þar sem heildarneyslan er lág. Samhengi heildarneyslu og þess að 15 ára ungmenni hafi drukkið sig ölvuð er með öðrum orðum mjög sterkt samkvæmt töflunni.

Árleg heildarneysla Áhættuhlutfall fyrir ölvunardrykkju (odds ratio)

Stúlkur

Áhættuhlutfall fyrir ölvunardrykkju (odds ratio)

Drengir

Lág 1 1
Í meðallagi 2,1 1,9
3,3 3,5

Vísindamenn frá Statens Institut for Folkesundhed í Danmörku ásamt fleirum unnu þessar upplýsingar um gögnum alþjóðlegu rannsóknarinnar Health Behaviour in School-aged Children (HBSC) sem Ísland tekur þátt í og kallast Heilsa og lífskjör skólanema, ásamt gögnum frá WHO.

Byggt á eftirfarandi.

Einnig má lesa um rannsóknina í tímaritinu Addiction.

Nýlegar fréttir

Safn

Flokkar

Skráðu þig á póstlista og fáðu nýjustu fréttir frá Fræðslu og forvörnum.

2018-11-16T18:19:16+00:00

Fræðsla og forvarnir

Sigtúni 42, 105 Rekjavík

Phone: +354 511 1588