Allsgáð í sumar – forvarnaverkefni FRÆ

Mikið er um sumarhátíðir og hverja helgi í sumar er boðið uppá bæjarskemmtun eða fjölskylduhátíð auk fjölmargra útihátíða um sjálfa verslunarmannahegina. Á þessum tíma ársins eru börn og unglingar utan skóla og ekki í jafn vernduðu umhverfi og yfir vetrartímann. Því er mikilvægt að foreldrar og samfélagið í kringum unglinga standi vörð um velferð þeirra þegar kemur að neyslu vímuefna á skipulögðum hátíðum sem óskipulögðum.

Forvarnaverkefnið „allsgáð, með allt á hreinu“ stendur nú yfir en FRÆ stendur að því eins og nokkur undanfarin sumur.  Markmið þess er að vekja athygli á vímuvörnum um verslunarmannahelgina og kostum þess að vera allsgáð um þessa stærstu ferðamannahelgi ársins. Foreldrar og forráðamenn eru hvattir til að huga að gildi forvarnastarfs og góðra fyrirmynda. SJÁ HÉR.